Poem
lkmTsf}nL, ;fpg !), @)&(
मृत्यु र मुखौटाहरू
बाँडिरहेछन्- आश्वासनका राहत सामग्री, पुनःस्थापनका सपनाहरू, र सोम शर्माको सात्तु झैं योजनाहरू ! भो…नअल्मल्याऊ, हतार छ तिनीहरूलाई विदेशी पाँच तारे होटलमा साहुहरूको मेजमानी भ्याउन !
बाढी बानेर उर्लिएको छ, असार
पहिरो बनेर खसेको छ, वर्षा
सयौं प्राणीलाई आगोसमा लिएर
रमाइरहेको छ, उन्मत्त,…..उत्ताल जललहरीमा !
छेउ किनारामा जीवन जोगाएकाहरू-
सहारा गुमाएका आफन्तहरू-
टुहुरा शिशुहरू….
र आश्रय गुमाएका परिजनहरू
निरीह… निरुपाय सुनिरहेछन्,
उन्मत्त जललहरीको मृत्युगीत !
मडरिइरहेको कालो वादलमुनि,
हेलिकोप्टरको गर्जनर,
हावाको तीब्र झोक्काले
लड्खडाएका अवसादग्रस्त तलका अनुहारहरू !
हेर्छन्… देख्छन्
एक हूल सरकार उत्रिएको छ विमानबाट
मुखौटो भिरेर दुःखी देखाउन आफूलाई
कष्टसाध्य अभिनय गरिहेका ती अवतारहरू
बाँडिरहेछन्-
आश्वासनका राहत सामग्री,
पुनःस्थापनका सपनाहरू,
र सोम शर्माको सात्तु झैं योजनाहरू !
भो…नअल्मल्याऊ,
हतार छ तिनीहरूलाई
विदेशी पाँच तारे होटलमा
साहुहरूको मेजमानी भ्याउन !
आरुबारी, काठमाडौं
